ТIекхочийла долу линкаш

ЦIеххьана кхаьчна хаам!

Краснодарехь лецна Навальныйн штабера массо а. Ша "талламбеш" ю аьлла полицино


Оппозиционеран Навальный Алексейн Краснодарерчу штабан белхахой лецна, уьш кхечу гIалара репортаж яккха шайн машенахь боьлхучу юкъанна. ДIабигина Краснодарерчу полицин урхалле.

Кавказ.Реалиигахь йолчу информацица, Охан-беттан 14-чохь некъан инспекцино сацийна машен, оппозиционераш лецнарг ву полицин капитан Голубев Виктор. Цо хIоттийра хьалхо штабан координаторна Панченко Анастасияна "ламастехь йоцчу боршачу нехан-зударийн юкъаметтигашна пропаганда ярна" протокол, тохийтира 50 эзар сом гIуда.

Панченкос хаийтина редакцига, ша а, шен накъостий а полисхоша "талламаш бан" лецна боху, аьлла. Иза а, цуьнан гIовс а полице дуьгуш дара цо Кавказ.Реалиица къамел дечу муьрехь, шаьш цига ца долхахь, низам латточу урхаллин белхахоша аьлларг цадинарш дийр ду шайх, бохура Панченкос.

Цо дийцарехь, штабан белхахой лецар тершалдеш ву адвокат Вертегель Феликс.

  • Шеран юьххьехь Навальныйгахьа протестан акцеш хIиттийра бахархоша Оьрсийчоьнан къилберчу гIаланашкахь – Краснодарехь, Ейскехь, Анапехь, Сочехь, Новроссийскехь, Армавирехь, ХIинжа-ГIалахь, Пятигорскехь, Ставрополехь. Иттаннашкахь а, бIеннашкахь а бара протестан акцийн декъашхой. Полицино шогга дуьхьалойира царна, лийцира дукхахберш.
  • Дечкен-беттан 23-чохь а, 31-чохь а урамашка бовларна наханна 256 административан протокол хIоттийра полицино, бехкебира декъашхой "алссам адамаш гулдечу барамна магош йолу кепаш талхорна". Стохка а, лурчах а хIитийначу протоколашца дуьстича, шозза дукха ду и терахь.

Коьрта теманаш

Оха хьоьхург

XS
SM
MD
LG