Талламчаш зуьйш бу Краснодар-махкарчу Туапсе гIалин луьйчийлашка, Iаьржа хIорда йисте мехкдаьтта гулдалар. Юьхьанца болчу тидамаша гойту хин бухахула йоьлхучу биргIанашкара и схьадаьлла хилар, хаам баржийна Оьрсийчоьнан Талламан комитетан транспортан урхалло Стигалкъекъа-беттан 25-чохь.
Туапсе кIоштан администрацин официалан сайтехь а ю мехкдаьтта даржарх йолу информаци. Муниципалитетан пресс-векалто бахарехь, мехкдаьттан томмагIа дIадаккха арадаьлла ялх нинкема, акватори тIе тесна 1,3 тонна мехкдаьлла тIегулдеш йолу абсорбент.
"Сайна хуург аьлча, буса бен ца буьйлабелла Iаьнна мехкдаьтта гулдан. Оха прокуратуре хилларг Стигалкъекъа-беттан делкъехь хаийтинехь а. Амма селхана муниципалан а, мехкан а хаамийн гIирсаша тийналла латтийра хилларг боккха бохам боллушехь", - бохура Кавказ.Реалиига Краснодар-махкарчу "Баьццарчу лигин" декъан куьйгалхочо Витишко Евгенийс.
Цунна хетарехь, хилларг къайленехь дита лиина Iедална туристизманна новкъарло цаярхьама.
