ТIекхочийла долу линкаш

ЦIеххьана кхаьчна хаам!

Массо а нохчий вон бу алар - исторехь иза дуьххьара дац, амма Европехь...


Иракъерчу Мосулехь беллачу ДАIИШ-ерчу кавказхошна Оьрсийчохь делла хилла паспорташ. Нохчий а бу царалахь.
please wait

No media source currently available

0:00 0:04:01 0:00
Линкана тIе

Вайнах кхечарех дIаэбала а ца лууш, къаьстина, хьуламехь беха, цара девне евлла юкъаметтигаш а, Iедале а ца бовлуш, шайлахь луьсту, церан дукха векалш Iаьрбоша шайлахь бечу тIеман декъашхой а бу, бохуш, тайп-тайпанчу хьостанаша Iорабоху хьажам-хетарш Европера хьажа-хIитта цIабаьхкинчу нохчаша, буххера дуьйна а бакъбеш бац.

Царна гуттар а халонга долу цхьаболчу говзанчаша нохчий цхьа низам а ца девзаш, акха адамаш санна ларар.

Ткъа шарахь сов Фаранцин Ницца гIалахь веха Хатаев Iайнди. Цунна гергахь нохчий хийцабелла а бац, вочу агIор цхьаннех а къесташ а бац.

Iайнди: «Деллахь суна-м ца хеца цигахь беха нохчий хийцабелла. Уьш хIун аьлла хийцабала беза? Цхьа кхераме а бац. Бакъ дац. Шаьш боллу нохчий бу-кх. Мацах цкъа юьхьанца Iаьрбошца Iоттабаккхаме меттигаш нислора. Иза дIадаьлла лара мегар долуш хIума ду.

Вайнахь тIаме оьху бохург а пуьташ бу. Цхьа наггахь хилла хила там бу вахана меттиг. Доцурш дукха дуьйцу. Ламазца,мархийца берш а бу,сакъерар бен кхин хIуманна а бала боцург а ву. Кху цIахь доллу сурт ду-кх…»

Германехь, Берлин гIалина гена воццуш вехаш ву СоьлжагIалин кIоштера Эльмурзаев Висхан. Нохчех бозуш кхерам а бу,царех лардала а деза бохуш даржадо хабарш цунна хетарехь я хIуьттаре ян гIертар санна хIума ду,я хьекъалца гергарло доцчара туьйсу питанаш ду. Висхан ву дуьйцуш.

Висхан: «Нохчашца цхьа кхерам а бац. Шайн пачхьалкхехь лелаш долу низам а лардеш бехаш бу нохчий. Ца леладо хьуна вайнаха шайггара хIумнаш. Девне меттиг нисьелча а,баккхийчара юкъа а булий,Iедална а хууш,маслаIате ерзайо. ТIаме вахна бохуш наггахь хаза-м хеза,дуккха а бохург бакъ дац. Аьттехьа а дац иза.

Французан делахь а,Германан делахь Iедал лар а деш,лерам а беш бехаш бу нохчий. Шаьш мича баьхкина а хууш бехаш бу дукхахберш. Мелха а кху цIахь бераша дай-наношка ла ца дугIуш меттигаш нисьяла тарло,амма цигахь ишта дац. Мелха а кху цIахь дицделла догIу гIиллакх,Iадат цигахь дикахо а лелаш ду-кх.».

Европехь бехачу нохчех ишта боху ,циггахь зуда а ялийна,доьзал а болийна,деа беран да а волуш,Бельгехь вехачу Магомадов Зеламхас: «Вайнахана дика хаьа шаьш Европе муха кхевчча а,кху цIахь шайн хIун лан дезна а.

Цундела дукхахберш хьаннал къа а хьоьгуш,шайн ницкъ кхочучу барамехь цIерачарна а гIо а деш,бехаш бу. Дала мукъа лахь шайн дика цIе а йоккхуьйтуш кхин а бехар а бе нохчий».

И къамел динчу Зеламхана хетарехь дика дебош,гIийла волчунна агIо а деш,кхечеран а смий-пусар а деш,даьхчахьана нохчий хьокъехь хазош долу цIармата,маьттаза къамелаш ша-шаха дIалекъар ду.

Шуна хетарг

Гайта комментареш

Мотт ца тохарна таIзар дан оьшу аьлла хетий шуна?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG