ГIалгIайчохь дешархой дIасалелочу микроавтобусна тIелеттачу масех стага йиттина машеннна урхалла дечунна. ГIуран-беттан 7-чохь ГIалгIайчуьрчу Экажево эвларчу цхьахболчу урамехь бевзаш боцчу наха шина машенахь баькхина некъ дIа а къевлина, травматикан герз диттинера, бераш дуьгучу микроавтобусна тIе. 32 шо долу меттигера вахархо хилла автобус лелориг, иза машенчуьра охьа а ваьккхина, гIожмаш йиттина цунна, яздо Новости агенталло. Автобусчуьрчу пассажирашна зенаш ца дина.
ГIалгIайчуьрчу чоьхьарчу гIуллакхийн министраллан урхаллан хаамашца, тIелатаран бахьана хила тарло латтана тIехула царна юкъахь лаьттина дов.
- Хьалхо яздора, гIалгIайн Экажево эвлахь Lada Granta машенна герз диттина, меттигера вахархо вийна аьлла. Бакъоларъяран органашна хетарехь, чIир йоькхуш вийна хила тарлора иза.
- Марсхьокху-беттан юккъехь Несаран кIоштарчу СурхохитIехь бевзашбоцчара герзаш диттира "Нива" машенна, хIетахь вийра меттигера вахархо Аушев Мухарбек.