ТIекхочийла долу линкаш

ЦIеххьана кхаьчна хаам!

Нохчийчоьне "Эрзин"латтанаш дIалуш кехаташца дагабийлина хилар тIе ца дуьту ГIалгIайчохь


"Эрзи" комплексехь болийна белхаш, 2018 шо

Нохчийчохь "Даймохк" къоман парк кхоллархьама "Эрзи" комплексан дозанаш хийцарна республика реза яц аьлла, дIахьдеина ГIалгIайчоьнан вице-премьеро Евлоев Мохьмада. Де хьалха и дозанаш хийцар гIалгIайн Iедалхошца дийцаредина ду аьлла, Нохчийчоьнан куьйгалхочуьнца Кадыров Рамзанца хиллачу цхьанакхетарехь чIагIдира Оьрсийчоьнан Iаламан ресурсийн а, экологин а министро Козлов Александра.

Дуьйцу латтанаш Нохчийчоьнан доладехира 2018-чу шарахь шина махкана юкъара дозанаш хийцича, делахь а, уьш леррина ларъечу территорина юкъадогIуш хиларна, ГIалгIайчоь дуьхьал ю цуьнан майда жимъярна, билгалдаьккхина Евлоевс. Цо бахарехь, изза позици ю мехкан куьйгалхочун Калиматов Махьмуд-Iелин а, хаамбина "Интерфакс- Туризм" ресурсо.

"Фортангас" чIагIдарехь, Евлоевс бахарехь, гIалгIайн агIоно кхин кехат ду куьйгъяздинарг – къоман "Даймохк" парк кхолларан некъан карта, - амма цу тIехь билгалдаьккхина регион реза ца хилар хьоьхучу сацамна, далийна догIуш долу бахьанаш а.

Хьалхо хаамбора, Кадыров Рамзанца хиллачу цхьанакхетарехь Козлов Александра аларх: "И хаттар гуттаренна а дерзон дезаш ду... Мехкийн урхалхошца дийцарш дерза дезаш ду Товбеца-беттан I5-чу дийне кхаччалц. ГIалгIайчохь хIинцале а дахначу кIиранах и кхочушдина даьлла, шун куьйгашка хьоьжуш ду тхо. Теманаш чIогIа ира а, лазаме а ю, амма белхаш дIаболо документаш кечдина дацара".

Министро тIетуьйхира, ГIалгIайчоьнан дозанаш дIадаларх хаттар айдинера Нохчийчоьнан куьйгалло президентан Путин Владаимиран а, премьер-министран Мишустин Михаилан а цIарах кхехьийтина кехаташ бахьана долуш аьлла.

  • Республикашна юкъара доза Нохчийчоьнехьа хуьйцуш хиларх къаьстира ГIалгIайчоьнан бахархошна 2018-чу шарахь, нохчийн некъан белхахоша, ницкъахой улло а хIиттийна, "Эрзи" олучу комплексехь белхаш болийча, 15 километарна ГIалгIайчу а боьлхуш. Махкахь нах протесте бевлира – эххар а митинган декъашхошна хенаш йиттира ворхI шарера исс шаре кхаччалц, ткъа ГIалгIайчоьнан куьйгалхочо а, Кадыров Рамзана а оцу юкъанна куьйгаш яздира регионашна юкъара дозанаш тIечIагIдеш.
  • Iедалхоша цхьаьнамаьӀнехь ду аьлла, латтанаш дIасахийцира республикаша, амма картографаша дIахьедира, ма-дарра аьлча, Нохчийчоьно долаяьккхина меттиг 25-зза сов хиларх, Нохчийчоьно схьаеллачул а.

Хьажа комменташка

Коьрта теманаш

Оха хьоьхург

XS
SM
MD
LG