ТIекхочийла долу линкаш

ЦIеххьана кхаьчна хаам!

Трамп Доналд президент харжале тайп-тайпана дIахьедарш дира цунах лаьцна дуккха а пачхьалкхийн куьйгалхоша а, кху дуьнентIехь бевзаш болчу политикаша а. ХIун дара цара Трампах лаьцна дийцинарг Iамеркан президентан харжамаш хилале а, хиллачул тIаьхьа а?

Трампах лаьцна "цIеххьана" хийцаелла ойла
please wait

No media source currently available

0:00 0:03:52 0:00
Линкана тIе

Олланд Франсуа, Францин президент

Харжамаш хилале: «Цхьадолчу цо дуьйцучо дог керчадо».

Харжамаш хиллачул тIаьхьа: «Суна луур дара мелла а сиха хьоьца дийцарш дIадахьа, вайна массерна а мехала хетарш а, луурш а тидаме а эцна».

Ренци Матео, Италин премьер-министр

Харжамаш хилале: «Дукха тIех кхерамаш туьйсу стаг хета суна Трамп Доналд".

Харжамаш хиллачул тIаьхьа: «Цуьнан аьтто хуьлийла лаьа суна. Италин а, Iамеркан а онда доттагIалла ду».

Джонсон Борис, Британин арахьарчу гIуллакхийн министр

Харжамаш хилале: «Нью-Йоркан цхьайолчу кIошташка ваха хIуттур вацара со, цигахь Трамп Доналд дуьхьалкхета мегаш хиларна».

Харжамаш хиллачул тIаьхьа: «Со даггах тешаш ву, Британин а, Iамеркан а юкъаметтигаш мехала ю бохучух. Со тешна ву вайга цхьане уьш кхин дIа а кхиалур хиларх».

Штайнмайер Франк-Вальтер, Германин арахьарчу гIуллакхийн министр

Харжамаш хилале: «(Трамп) – цабезам кхолларан стаг ву, кхераме риторика а, юкъаралла карзахйоккхуш а волу».

Харжамаш хиллачул тIаьхьа: «Оха, шеко а йоцуш, ларамца тIеоьцу кхаж тасаран жамIаш».

Римера Папа Франциск

Харжамаш хилале: «ТIайнаш дечу меттан, пенаш дарх ойла еш волу стаг керста хуьлийла дац».

Харжамаш хиллачул тIаьхьа: «Керлачу президентан аьтто хила лаьа тхуна, аьтто хуьлийла цуьнан эвсаре Iедал кхуллуш».

Дональд Туск, Евробертан гIантда

Харжамаш хилале: «Цхьа Доналд оьшучул а сов ву».

Харжамаш хиллачул тIаьхьа: «Даггара декъалво. Трансатлантикан юкъаметтигаш чагIъяр тахана цкъа а ца хиллачу кепара мехала ду».

Шульц Мартин, Европарламентан президент

Харжамаш хилале: «Трамп Евробертан проблема хилла ца Iаш, дерриг а дуьненан проблема ю. Цхьанна а хIуманах кхеташ воцу стаг КIайн ЦIийне кхачахь, критикан тIегIанна тIекхаьчна вай».

Харжамаш хиллачул тIаьхьа: «Харжамийн жамIаш лара деза».

Ньето Пенья Энрике, Мексикин президент

Харжамаш хилале: «Цу кеппара Iедале веара Муссолини а, ХIитлер а».

Харжамаш хиллачул тIаьхьа: «Мексика а, Iамеркин Цхьаьнатоьхна Штаташ а ши доттагI а ю, Къилбаседа Iамерка кхуьуш хилийта цхьаьнакъахьега дезаш а ю».

Саудин Iаьрбийн пачхьалкхан принц аль-Валид ибн Талал ибн Абдел Азиз Аль-Сауд

Харжамаш хилале: «Хьо, Республикан партин хилла ца Iаш, эхь ду ерриг а Iамеркан».

Харжамаш хиллачул тIаьхьа: «ДIаяханчу хенахь цакхетамаш мухха а хиллехь а, Iамерко шен дош аьлла. Декъал а во, даггара аьтто хуьлийла а лаьа».

«Вашингтон пост» газето зорбане яьккхина Трамп Доналд президент хаьржинчул тIаьхьа «Иза Трампан дуьне хир ду, амма массо а вац цу хьокъехь хазахетта» цIе йолу артикл.

https://www.washingtonpost.com/news/worldviews/wp/20I6/II/I0/its-going-to-be-trumps-world-and-not-everybody-likes-it/

Цу тIехь дуьйцуш ду муьлха пачхьалкхо муха тIеэцна Трамп президент харжар.

Трамп харжар реза хиларца тIеэцначу пачхьалкхашна юкъахь ду Оьрсийчоьнан а, Израилан, Венгрин а, Словенин а, Къилба Суданан а Iедалш.

Трамп харжар шеконца тIеэцна Францин президенто Олланда а, Британи а, Шемарчу Асадан режимо а, Сауди Iаьрбин пачхьалкхао а а, Канадо а, Китайно а, Японино а, Къилба Корейно а, Филиппинаш а.

Трамп харжарна баш реза йоцучу пачхьалкхашна юкъахь ю Украина а, Германи а, Швеци а, Итали а, Испани а, Греци а, ГIажарийчоь а, Мексика а.

Хьомсара “Маршо Радион”доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьатаса: 420 724 019832

XS
SM
MD
LG