Нальчик: Iедало воIарий байъина наной

Къилбаседа Кавказехь могIара сурт а хилла лаьтта Iедало, кеп-кепара бахьанаш а кхуллуш, кегийнах хIаллакбар. Тамаше хIума ду халкъаш, и къизалла а ловш дехаш хилар, цара Iедална шерашкахь муьлхха а ямартло могуьйтуш хилар. ...Амма резабоцурш а бовлу наггахь. Нальчикехь Охан-беттан 21-чу дийнахь хилира воIарий Iедало хIаллакбинчу нанойн гулам. КIентел деза-доккха, доха а, дан а шайн дисина дацаре терра, цара доггаха емал йора харцо.