ТIекхочийла долу линкаш

Европан кхерамзаллехула, цхьанаболхбарехула йолчу организацино (ОБСЕ) ша саготта юйла хаийтина «Яровойн гулар» олу низам Оьрсийчоьнан президенто тIечIагIдарца доьзна. «Террорхошна а, экстремисташна а» духьалоярхьама боху бахьана хьалха а даьккхина, арахецна бехкамаша йоьхку дешан маршо, новкъарлойо журналисташна, бахархошна бакъдерг даржо,» - аьлла оцу хьокъехь ОБСЕ-н прессин маршо ларъечу декъан векало Миятович Дуньяс.

«Журналисташна кхерамзалла латто декхаре долчу Iедало йойла дац царна новкъарло, дуьхьалдеттийла дац экстремизмах долу низам,» - бохура Миятовича шинарийдийнахь Маршо Радионехула. Кхаарийдийнахь Маршо Радион коьртачу редакторо Рейич Ненада а элира, «ГIирмера хьал, Кремлан омранашца а ца дузуш, ма-дарра довзуьйтуш болчу журналисташна духьалдоккхуш ду и низам».

Москохарчу Iедало Украинерчу ГIирмехь вина а, кхиина волчу 22 стагна тиллина «террорист», «экстремист» цIе ша шинарийдийнахь арахецначу тептарехь.

Оцу 22-нан могIарахь бу Кремло ГIирмина оккупаци, цул тIаьхьа аннекси яр критике диллина хилла журналисташ, жигархой, и бахьанехь лецна кхобу нах.

XS
SM
MD
LG