ТIекхочийла долу линкаш

ЦIеххьана кхаьчна хаам!

Оспанов Къосам. БIарлагIаш а, кхолламаш а...


Нохчийн кешнаш
please wait

No media source currently available

0:00 0:00:53 0:00
Линкана тIе


Оспанов Къосам

* * *
БIарлагIаш а, кхолламаш а,
кIорлагIнаш а, хIолламаш а,
хIора де а, хIора са а
харц-дуьненахь хIоразза а,

син набахтин набахтера
воьдий, доккхуш ас къинтIера –
седа – и дIабовчу хенахь,
седа - и латочу хенахь,

барах кхачалур а боцуш,
бичий бен хуьлуш а боцуш,
Ахь елларг бен кхин хан йоцу
Хьан къинхетам герга кхочуш,

лахьта леста, со цецволу,
ког тосийлах сайн шекволу,
сан упханан тховх чудолий,
хьаша хуьлий, баьрче долий:

«Хьан хIун дара соьга хатта?» -
бохуш, моттлен дoлу латта.
ГIoвлехь чурт а меттахдолу...
дохковолу, дохковолу.

Оспанов Къосам гоьваьлла нохчийн байтанча ву. 1960-чу шеран лахьан-беттан 7-чу дийнахь Хьалха-Мартанан кIоштарчу СаIди-КIотарахь дуьнен чу ваьлла ву Оспанов Къосам. Цуьнан 17 шо кхачале Хьалха-Мартан кIоштан газетехь зорбане йийлина поэтан дуьххьарлера байташ. 1977-чу шарахь ваьлла иза СаIди-КIотарара юккъера школа чекхъяьккхина. 1979-чу шарахь эскаре гIуллакх дан ваххалц оццу школехь хьехархочун болх бина. Эскарера цIавирзинчул тIаьхьа а масех шарахь шайн юьртарчу юккъерчу школехь хьехархочун болх бина. Ткъа 1983-чу шарахь кхолламо Урале кхачаво байтанча. Магнитогорскехь чекхйоккху цо хьехархойн институт а. 1991-чу шарахь Уралера цIавоьрзу Оспанов Къосум. ХIетахь дуьйна Нохчийчохь зорбане мел долучу газетехь а, журналехь а луьста гучаюьйлу шатайпачу башхаллица къеста цуьнан байташ. Цу муьрехь зорбане дуьйлуш хиллачу «Маьлх-Аьзни» журнале балха хIутту къона поэт. Кхоллараллин гергарло тасало цуьнан «СтелаIад», «Вайнах», «Орга» цIе йолчу журналашца. Оцу журналийн агIонаш тIехь кест-кеста зорбане юьйлу Къосуман чулацаме байташ. Уьш билгалъюьйлу авторна кIорггера ненан мотт хууш хиларца, цуьнан хьалхарчу хьаьркаца дешархо цецвоккхий, чекхъяллалц байт еша сакIамдеш, йийсарехь латторца.

Оха хьоьхург

XS
SM
MD
LG