Бен дац, хуьлда иза стаг я зуда, 35-40 шераш бен доцчу къоначара а хьуна дуьйцур ду, Сибрехахь шайн дайша лайначу лазамех,цаьргахь даллинчу Iазапех. Иштачех цхьаъ ву 1952-чу шарахь Казахстанехь вина Теркйист кIоштера,тахана ХIирийн мехкан Мазалк кIоштехь веха Абзотов Салавди.
Шен лерана хезнарг,велла дIаваллалц шен дагахь,кхетамехь диснарг ду цо далхориг. Лазарца велахь а хIинца а волчу,воккхачу вашас Адама дийцинарг карладаккхира Салавдис тхан къамелехь.
Абзотов: «Нохчашкахь къизалла яллийна,яллийна бохург дан а дац. Тхан нана децIа яхханчохь дIайигна Сибарех кхо бер карахь а долуш. Тхан да тIаме вуьгу аьлла вигна хилла къам дохош. Цул тIаьхьа нохчий тIамера цIехьалаьхкича Казахстанехь эхашарахь доьзал лоьхуш лелла иза тхан да. Дера лайна халонаш-м. Тхан вашас селхана стомара веъча дуьйцу-кх.
Кхо-диъ шо бен шен хан а йоцуш кхаш хиллачу меттигашкахула лелла иза нанна юххе а ваьлла,ло дIа а тоьттуш, копастан,буракъийн гIаш лоьхуш. Лайн бухара схьадеъна уьш чу а кхуьссуш чорпа еш хилла нанас. Цу чуьра, хи чуьра, Iайгаца ша копастана гIа лехна дагадогIу шена боху-кх тхан вашас…»
Бохийна нохчий махках бохуш 9-10 шо долуш жима йоI хилла Магамадова Iайшат.
«Тхайна и болх хиларх даккхий а деш,- тоьшалла до Iайшата,- ишта бен кхечу агIор и хуьлийла дацца а моьттуш,тхайгара дена-нанна жима а гIо хилча боккха кхаъ а хуьлуш,къа-м хьегна оха хаъал хилчахьана а».
Магамадова Iайшат ю бераллехь дуьйна ша хьегначух къих а, Сибрехахь ша лайначух, шена гинчух а дуьйцуш.
Магомадова: «Бала хьеггий-м хаьа сунна. Кибарчигаш ешший,гIий бешший со хьийзачу хенахь сан 13-14 шо дар-кх. Оццу хенахь хьелийозархо балха дIа а ийцир-кх со.
Мацалла а лаьттира, кхазакхашна йолах болх а беш. Дика дагадогIу сунна. Со ло дан йоьдуш яра,суна хьалха воьдуш 12-13 шо долуш кIант вара. Шен яа хIума ялийта кхазакхашна ло дан воьдуш хиллера а иза а.
ДIагулдина ло дара яккхий оьла –раьгIнаш. Хи дика дацара,вон чам болуш дара. Лайнах доккхура хи. Чуаьхкина яра и лайн раьгIнаш. Ло даккха гIерташ воллучу цу кIантана тIехаьрци-кх и сила долу ло. Цхьа ведар арахь диси,шолгIа ведар а и кIант а ша а къайладели. Денана набахтехь яра цуьнан,да-нана а доцуш байш дара уьш.
Ас и ведара детташ хала ло дIа а даьккхина схьаваьккхира иза. Со тIаккха церан цIа яхара цIерачаьрга ала. Девешин зуда яра моьтту с уна хIетахь уьш кхобург. Ас хилларг дийцича цо бохукх: Ваьккхинехь ма воккхийла ахь иза маьрша боху-кх» цу зудчо.
Со цу хена чIогIа цецьяьккхира цу зудчо. Вон зуда хиллера иза. Цу берийн денана цIа а еъна цуо кхебар-кх уьш. Кохьар хьовзаяйта ша йолчу и ши ваша веъча нанас охьаэгна ахьар а.цу а доуьйтуш хиллера цаьрга»…
Магамадова Iайшата къамелехь карладелира, Даймахке юхадерза къомана бакъо елча, юха а хала гулбина бахамаш (йийбар, хIусамаш, бежана хIума а, кхийолу Iар-дахаран коьчалла а йитина) Iедало кхин деш гIо а доцуш, дерриге а къацахетаршна а дуьсуш, цIадахка дезар.
Дохадар хьокъехь вайнехан баланех, гIайгIанех дуьзначу дийцаршка лан мел дийгIи а лайлахь хIинцца йитинчу лорх тера шера гуш хуьлу, кегийчу къамнашна тIехь, церан собар-доьналлин, къонахаллин, мах хадо Iалашо лаьцча санна Iазапе къизалла яллийна хилар а, цул тIаьхьа 73 шо даьллехь а къам къинтIера даккха,цунна хиллачу зе-зуламан хьакъболлу мах хадо Iедалехь берш саготта ца хилар а
