ТIекхочийла долу линкаш

ЦIеххьана кхаьчна хаам!
please wait

No media source currently available

0:00 0:03:15 0:00
Линкана тIе

Оьрсийчохь юкъараллин хьажам-хетарг толлучу центран Iилманчаша диначу зераша гайтарехь, оьрсаша уггаре а мехалчех мехала лоручех ю могушалла.

Цхьа эзар сов махкахойх дагабуьйлуш деллачу жоьпийн хьесап даро гойту хеттарш деллачара доьзалера хьал а, кхерамазалла а, дахарехь хьашт-дезарш листар а, таро-токхо хилар а мехала ларар.

Цул сов жоьпаш деллачара шайн дахарехь маьIне агIонаш лору балха тIехь кхиар а, юкъараллин, политикан дахарехь дакъалацар а, кхоллараллин болх а, садаIа аьтто хилар а.

Ала дашна, и тIаьххьарниш - юкъараллехь дIалоцу меттиггий, садаIаррий, а, самалхадаккхаррий боху кхетамаш вайнехан респонденташа хьеха а ца бо, уьш дуьненахь бан а боцуш санна.

"Могушаллий, ахчий ду-кх дезарг, тIаккха токхе хуьлу-кх дог а"

Бакъду, нохчаша а, Оьрсийчуьрчу бахархоша санна, хьалхайоккхург ю могушалла. Новр кIоштера юьртахой Асет а, Асвад ду хIара жоьпаш хазийнарш.

Халил: "Ас могушаллий болх-неккъий хуьлуьйтур дар-кх".

Асет: "Могушаллий, ахчий ду-кх дезарг. ТIаккха токхе хуьлу-кх дог а хуьлу токхе, тIаккха хьо ирсе а хета хьуна".

Шелан кIоштерчу Яхимат хетарехь, дукхахберш гIийла лол бетташ хене бовлуш бу.

Яхимат: "Суна сайн доьзал могуш маьрша а болуш, балхаца, некъаца а болуш, дахарехь дIанисбелла ган лаьар-кх. Оьрсийчохь а, Нохчийчохь а нийсо-бакъо а ларьеш, Iедал хуьлуьйтур дара ас. Нахе харцо а ца кхийдош… КесталгIа и хилахь тамаша а бу-кх".

Ножай юьртан кIоштерчу гIишлошьярхочунна Ахматов Iаднанна хетарехь ша цхьаъ ирсе хуьлийла а дац стаг кхиберш гIелонгахь а болуш.

"Махкахоша вуно мехала а лоруш, сатуьйсург ду шалхонаш, моттаргIанаш а йоцуш, Iедало къоман хьашт-дезарш юьхьарлацар"

Iаднан: "Тахана суна мел оьшуш долу хIума, рицкъ Дала суна схьаделла масала. Могушалла а ели, чуьрчарна а ели… И ян а йолуш со ирс доцчу адамашна юккъехь вехаш велахь, иза ирс дац стеган.

Хьуна гондIа деха адам ирсе дехаш делахь, уьш белабелла, бекхабелла белахь, и нах вовшашка хьовсуш, вовшех самукъадолуш белахь и ду ирс!

ТIаккха хета суна иза ирс. Стеган бахам а, цуо шен чохь нисйина бIегIе а, кхечеран доцуш долу хIума дара аьлла иза стеган ирсан кхачо хуьлийла дац.

Хьан халкъ, мохк маьрша а боцуш, адамаш ирсе долчу юкъараллехь хьо вехаш вацахь, хьан ирсан тоам-кхачо хуьлийла а дац. Ша цхьаъ стаг ирсе хуьлийла а дац".

МогIарерчу нахах дага а вуьйлуш бинчу талламаша гайтарехь, коьртаниг могушалла ларар а долуш, махкахоша вуно мехала а лоруш сатуьйсург ду шалхонаш, моттаргIанаш а йоцуш, Iедало къоман хьашт-дезарш юьхьарлацар а, кехаташ тIехь а доцуш, дахарехь белхан меттигаш кхоллар а, шена хетарг дIаала хIоьттинарг, шакарца-маьхьарца леха а лоьхуш, жоьпе цаийзавар а.

Шуна хетарг

Гайта комментареш

Мотт ца тохарна таIзар дан оьшу аьлла хетий шуна?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG