ТIекхочийла долу линкаш

ЦIеххьана кхаьчна хаам!

ГIалгIайчуьрчу кхаа вахархочуьнгара герз даьккхина


Иллюстративан сурт

ГIалгIайчуьрчу Наьсаран кIоштахь ницкъаллин структурашкарчу белхахоша сацийнера меттигера кхо вахархо чохь волу Hyundai Solaris машен. Автомобилах хьовсучу заманчохь герз даьккхина цаьргара, яздо "Интерфакс-Юг" агенталло, шен хьасташна тIетевжина.

"Эккажакъонгий-Юьртарчу цхьана урамехь полисхойн тидам хиллера, шеконашца цхьанна тIехьа терго латточу тобанах. ТIебахначу полисхоша шайга кехаташ хаьттича, дуьхьалбевллера уьш. Кхуьй а дIалаьцна хилла ницкъахоша. Ткъа церан машенех хьовсучу хенахь "Калашниковн" автомат а, "Макаровн" тапча а, патармаш а, урс а хааделлера салон чохь", - дийцина оцу хьастанаша агенталле.

Дукха хан йоццуш Эккажакъонгий-Юьртахь тайпашна юкъахь иккхинчу девнехь бехкехиллачу цхьаннан гергара нах хилла и кегийрхой, хаамийн гIирсо дийцарехь.

Дагадоуьйту, ГIалгIайчуьрчу Эккажакъонгий-Юьртахь герзаш детташ, конфликт иккхира цигахь дехачу шина тайпан агIончашна юкъахь Зазадокху-беттан 13-чохь. Чевнаш йина цхьаъ кхелхира, лачкъийна вигира кхин а цхьаъ.

Комментареш

New Comments Available

Оха хьоьхург

XS
SM
MD
LG