ТIекхочийла долу линкаш

ЦIеххьана кхаьчна хаам!

"Тутмакхийн элин" Солтахановн зудчо арздина, полицерчу хьаькамо кхерамаш туьйсу аьлла


Новосибирскехь лаьцначу нохчочун, "тутмакхийн элин" Солтаханов Бай-Iелин зудчо Солтаханова Миланас арз яздина шен майрачунна меттигерчу полицин талламан декъан куьйгалхочо кхерамаш туьйсу, аьлла. Оцу хьокъехь яздо Mash Siberia ресурсо.

Солтаханова Миланас дийцарехь, набахтехь йоккхур йолу хан лахйойла лаахь, цуьнан майра бехк тIеэца декхарево полисхочо. Иза ца дахь, берриг а доьзал чубуллур бу, бохуш, хьийзаво шен цIийнда, боху зудчо.

"ХIинца и полисхо вахана иза волчу: "Хьо цкъачунна тийна Iа, оха хьан доьзал ца хьебо. Хьо тохалушшехь я арахьарчу дуьненца зIе таса волалушшехь, я хьо беке вац аьлла дIахIоттахь, хьоьца цхьаьна чуховшур бу массо а, аьлла ", – дуьйцу Солтаханова Миланас, шайн кхо доьзалхо хилар билгал а доккхуш.

Цо йовзийтина кхерамаш туьйсу бохучу полисхочун цIе а – майор Рябов Александр. Чоьхьарчу гIуллакхийн министраллин Новосибирскерчу урхаллин сайто гойту Солтахановас вуьйцу полисхо баккъал а полицин талламан декъан куьйгалхо хилар. Ткъа урхалло ца йина Нохчийчуьра схьаваьллачу "тутмакхийн элин" зудчо чуделлачу орзанна комментари.

Солтаханова Милана тешна ю шен цIийнда бехке вацарх. Цо бахарехь, лацале иза балха хIоьттина хилла официалехь, дагахь хилла шен бизнес схьаелла а.

  • Хьалхо Маршо Радионо яздира, криминалан авторитетна 8 шарера 15 шаре кхаччалц хан кхачайо, иштта, пхи миллион сом гергга гIуда а ду тухуш аьлла.
  • "Криминалан тобанашкахь лахара статус йолу нах шен куьйга кIел берзо гIерташ, царна тIе цхьацца омранаш дохкуш, зуламе ламасташ даржош, криминалан девнаш дерзош, нахана тIеIаткъам беш лелар" бехке до Солтахановна Бай-Iелина, Новосибирскан чоьхьарчу гIуллакхийн министраллан пресс-центро бахарехь.
  • 2006-чу шарахь цхьамогIа талораш дарна таIзар дина ву Солтаханов: шен накъосташца цхьана нах бехачу хIусамашна тIелетарш деш хилла цо, мел лаххара а 18 стаг хилла цуьнан тобанехь, шайлахь милицехь а, антитерроран центрехь а белхаш бина нах а болуш, яздора "Известия" газето.

Оха хьоьхург

XS
SM
MD
LG