ТIекхочийла долу линкаш

ЦIеххьана кхаьчна хаам!

Нохчийчохь а даздира "Халкъан цхьааллин де"


Маршо Радион архивера сурт.

please wait

No media source currently available

0:00 0:02:45 0:00
Линкана тIе

Оьрсийчохь даздеш долу «Халкъан цхьааллин де» хIун де ду, мичара схьа ду и даздар, пачхьалкхера кегаре хан чекхъяьлча, барт-машарх къилба а дина, халкъ цхьаъ хилла дIахIоьттина бохург? Цу могIарера хеттарш кхиазхошлахь а, кегийрхошлахь а ,баккхийчарлахь а жоьпаза дуьсуш ду.

Лахьан-беттан 4-гIа де «Халкъан цхьааллин де» дуй хIуучунна а ца хаьа маца, мичара схьадогIуш ду и де сел сийлахь ларар. Ма дарра аьлча, цу хиламан бала кхочурш каро махкахь атта дац. Масала иштта жоьпаш ло цу хьокъехь къоначара: «Суна-м ца хьа». «Хаам ца хаьа». «Цхьаалин де бохуш дезде ду боху,хаам ца хаьа и хIун ду. Ярташкара нах бига-м бигна гIала митинг». «Тхан ишколера а бигна». «Балхахь долу тхан да-нана а ду-кх гIаларчу гуламехь».

Кегийчара цхьааллин дийнах кIорге йоцу жоьпаш лахь а, ондда харж а еш, даздина и де нохчийн гIаланашкахь, кIошташкахь. Эзарнашкахь адам дIагулделла Соьлж-ГIалин майданахь «Оьрсийчоьно цхьаьнатуху» цIе йолчу лозунг-кхайкхамца дIахучу боккхачу гуламе.

Комаьршша спортан къийсадаларш, ловзарш, синкъерамаш, самукъане цхьаьнакхетарш дIадахьа «Минутка» майдана тIера схьа, Къаьмнийн ДоттагIалла майдане кхаччалц къевлина ю гIалин юкъ.

Бакъду, Соьлж-ГIалахь а, кхечу меттигашкахь а хIун бахьана долуш кхехка ног етташ дахар хIаъане а цахуурш Iаламат дукха бу баккхийчарлахь а: «Валлай дела таханлерниг хIун де ду хаа а,и стена даздо а сан бала кхаьчна-м бац. Дан хIума а доцуш, Iашберш дукха ма бу. И санначеран хIун бала кхочур бу даздарийн?

Масалш каро гена вийла а ца оьшу. Таро йолчо шен сакъерарх таро йоцург ладегIамехь ма ву. Схьагуш воккхаве хIума-м дац».

Нехан аьзнаш: «Тахана деза де ду тIаккха? Суна-м ца хаьа!» «ЦхьаI леладо хир ду-кх цара, суна хууш хIума-м дац. Валлай дац-кх». «Делдахь, суна-м ца хаьа. Селхана рузбанан де-м дара деза…»

Халкъ дуьхьал гIаттарна кхоьруш, махкахойн коммуналан декхар тIерадаккха дагахь бу Iедалхой. Дог дохий аш шаьш декхарх мукъадовларе?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG