ТIекхочийла долу линкаш

ЦIеххьана кхаьчна хаам!

Абхази а, Къилба ХIирийчоь а йозуш йоцу пачхьалкхаш лору Асада


Молдова - Абхазин а, Къилба ХIирийчоьнан а векалаллаш Тирасполехь (Приднестровье).
Молдова - Абхазин а, Къилба ХIирийчоьнан а векалаллаш Тирасполехь (Приднестровье).

Абхази а, Къилба ХIирийчоь а йозуш йоцу пачхьалкхаш лору Шеман Iедало. Цунах лаьцна дуьйцуш ду Шеман арахьарчу гIуллакхийн министралло бинчу хаамехь. Сухумехь а, Цхинвалехь а хир ю Шеман векалаллаш. Ткъа Димакъехь схьайоьллур ю абхазийн а, къилбахIирийн а дипломатийн хьукматаш.

2008-чу шарахь Абхази а, Къилба ХIирийчоь а йозуш йоцу пачхьалкхаш хиларх лаьцна сацам бира Оьрсийчоьно. Иза хилира оццу шарахь Марсхьокху-баттахь, масийтта дийнахь Оьрсийчоьнна а, Гуьржийчоьнна а юкъахь тIом хиллачул тIаьхьа.

Тбилисино а, Малхбузерчу пачхьалкхаша а и территореш дIалаьцна лоруш ю. Оьрсийчоьно санна Абхази а, Къилба ХIирийчоь а йозуш йоцуш пачхьалкхаш ю аьлла сацам бина Никарагуано а, Венесуэло а, Науру Республико а. Цхьаьна юкъана изза динера Вануату а, Тувалу а пачхьалкхаша. Делахь а тIаьхьо цара хийцира шаьш бина сацам.

ДIадаханчу кIиранах Iамеркан Цхьаьнатоьхначу Штатийн Пачхьалкхан секретаро Помпео Майка кхайкхам бира Москохе, Абхазера а, Къилба ХIирийчуьра а эскарш арадаха аьлла. Цо дIахьедар дира, Вашингтоно уьш Оьрсийчоьно дIалаьцна йолу Гуьржийчоьнах дIакъасто йиш йоцу территореш лору аьлла. Помпеос билгалдаьккхира Iамерко Тбилисина кхин дIа а гIортор еш хилар.

Шемахь 2015-чу шарахь дуьйна дIатарйина ю Оьрсийчоьнан тIеман контингент. Оьрсийчоьнан эскархой гIо деш бу Шеман президентан Асадан эскаршна оппозицин герзаца йолчу тобанашца тIом беш.

Оха хьоьхург

XS
SM
MD
LG