ТIекхочийла долу линкаш

ЦIеххьана кхаьчна хаам!

Дешан маршонах бала хилларш


Цхьа бутт ца кхоччуш хьалха, социалан машанехь баьржира Кадыров Рамзан коьртехь волчу Нохчийчуьрчу Iедалан дуьхьалан акцешка кхайкхам. Цу тIехь, шаьш билггала муьлуш бу а ца олуш, нахе кхойкхуш дара шаьш доллучу меттигашкахь тахана махкахь долчу Iедалшна дуьхьало яр. Шайна юкъахь шортта Нохчийчохь хилалчу тIемийн меттигера ветеранаш а бу бохура цара.

Цул сов, Москохара лаккхара Iедалера нах а бу бохура шайна тIехьа лаьтташ. Къам дохийначу Чиллан-беттан 23 дийнахь Соьлж-ГIалара маьждиган хьалха дIаяхьа еза бохуш дара оцу кхайкхаман тIехь, коьрта дуьхьалонан акци. Дозаналла арара ван луучунна кемана билеташ а шаьш оьцур ду бохуш, дара.

Ма дарра дийцича, оцу кхайкхаман юкъараллехь башха терго ца йинера. Иза бух болуш хIума хилахь тамаша хеташ. Амма иштта олийла дац меттигерчу прокуратурах. Цо омар а делла, и кхайкхам гIарабаьккхина интернет-сайташ дIачIаьгIна Роскомнадзоро. Оцо гойту кху заманахь тIемаш майданашкара компьютершна чубевлла хилар.

Кхаарин диийнахь Оьрсийчоьнан Пачхьалкхан Думо, берриг а депутаташ тIе а товш, тIеэцна кхечу пачхьалкхара хаамийн гIирсаш агенташ хилар тIечIагIдеш долу низам. ХIинцале Цхьаьнатоьхначу Штаташкара «Iамеркан Аз» а, «Маршо Радион» цхьацца дакъош а юкъа дахна цунна. Нохчийн меттан редакци а ю цу юккъахь.

Оьрсийчохь и гIуллакх иштта доьрзург хиларна шеко яцара шайн бохуш дуьйцу радиоладогIархочо Исламов Абубакара. Ма хуьллу, шайгара боцург хаам ца кхачийта гIерта Iедалш, - элира цо.

Исламов: «Хаамийн гIирсех кегош ю политик. Iедало лелош ду иза. Дешан маршо олуш ду, амма суна-м хаац. Вайн чохь бу и цаца. Къевлина сайтан хьо чуваьлча хьо низам дохийнарг хуьлу. Цхьа а аьтто ца битина. Радио Маршонна а бала хир бу аьлла хета суна, цигахь комментари ян а».

Нохчийчуьру прокуратуро кху тIаьхьарчу шерашкахь дуккха а интернет-сайташ дIакъовлийтина, цара махкана а, пачхьалкхана а зе а, кхерам а бохьуш бу аьлла. Амма муьлхха а царах схьаеллалуш ю кхечу, къевлинчу браузерашкахула.

Муха доьрзураду Iамеркан хаамийн гIирсашца гIуллакх хууш дац. Думо тIеэцча низам масех де даьлча къобал дан дезаш ду Федерацин Кхеташоно а, Оьрсийчоьнан президенто а.

Оха хьоьхург

XS
SM
MD
LG