Ломан Карабахехь эрмалошний, азербайджанхошний юкъахь маситта дийнахь тIематасадаларш латтарца доьзна агIонашка машар лахар дехна Цхьанакхеттачу къаьмнийн организацин Инарла секретара Бан Ки Муна. Азербайджанан тIеман министралло чIагIдо, шен агIор Карабахан дозанехь 15 эскархо вийна бохуш. Ткъа Карабахо довзуьйту шен дарийн терахь 5 стаг хилар. Оцу юкъанна Оьрсийчоьнан арахьарчу гIуллакхийн министра Лавров Сергейс хаам бина, хIара кIира доьрзуш президент Путин Владмимир Эрмалойчоьнан а, Азербайджанан а куьйгалхошца барт бийца дагахь ву Сочехь, аьлла.
