Тахана сахьтийн гIовгIа дукхачу нехан чохь хир яц. Куьйгахь а, чохь а лелош дерш ду дукхачу хьолехь батарейка юьллуш долу сахьташ. Уьш атта цадуху, вовшех хьекхалуш дукха чалхаш йоцун дела. Оцу бахьанаца делахь а, Нохчийчохь сахьташ тодеш болу говзанчаш дукха ца бисина. Делахь а уьш болуш бу. Царах ву Дудуркаев Iилман.
Дуккха а ду сахьтийн пхьар волчу Дудуркаевн чохь шира сахьташ.
Наггахь нисло дукха шира а, шен еха истори йолу а сахьт.
