ТIекхочийла долу линкаш

ЦIеххьана кхаьчна хаам!

Псковрчу десантхошца тIом бина ву аьлла, лаьцна Москвахь поэт Арбинин Шемал


Басаев Шемал

Басаев Шемалан тобанан декъашхо хилла ву аьлла, нохчийн поэт Арбинин Герман (Шемал) лаьцна Москвахь, 2000-чу шарахь Псковрчу десантхошна тIелеттачарлахь дакъалаьцна ву, гергарчу заманчохь бехкаш кховдор долуш ду цуьнга, боху прессехь. Оьрсийчоьнан Талламан комитетан пресс-векалто бина цунах лаьцна хаам, яздо "Интерфаксо".

Социалан машанашкахь алссам яьржина, евзаш ю Арбининан байташ. Цо бандиталла а лелийна, иза зуламхойн тобанехь лаьттина, полисхошна кIело а йина аьлла, шеконаш ю талламчийн.
Карарчу хенахь дIахьош талламаш бу, 21 шо хьалха динчу тIелатарехь Арбинина хIун дакъа лаьцна, муьлхачу зуламашна бехке ву иза тIечIагIдархьама.

Дечкен-баттахь Нохчийчохь шолгIа тIом боьдуш Улус-Кертана гергахь Псковерчу десантхошна тIелатар дарна бехке вечу Ганиев Рустаман гIуллакх кхеле дIахьажийна аьлла, хаамбира Оьрсийчоьнан Талламан комитето. Хьежа а деш, нийса герз детташ хилла цо десантхошна тIе, талламчийн версица.

Хьалхо кхин а 14 стагна таIзар дира, яккхий хенаш а етташ, вара царлахь Украинера Малофеев Александр а.

Оьрсийчуьрчу адвокаташа а, бакъоларъярхоша а билгалдоккху, т1ехь Iазапаш а латтош, бехкаш тIеоьцуьйту оцу нахе аьлла.

Нохчийчохь 2000-чу шарахь тIамехь беллачу Псковерчу десантхошна ЖIар хIоттийра Нохчийчоьнан Iедалхоша дахначу шарахь.

Нохчийчохь тIеман баьччийн Басаевн а, Хаттабан а куьйга кIел тIемаш бира 2000-чу шеран Iай федералашна дуьхьал. 84 эскархо а вуьйш, Шуьйтан кIоштарчу Улус-Кертна гергахь Псковра десантан рота хIаллакйира хIетахь.

Коьрта теманаш

Оха хьоьхург

XS
SM
MD
LG