Роскомнадзора блок хIоттийна бизнесхочун Ходорковский Михаилан duma.vote (дума.кхажтасар) сайтана. Цигахь гулйина бара Пачхьалкхан думан харжамашкахь дакъалоцучу кандидатех лаьцна хаамаш, яздо Свобода Радионо, Daily Storm зорбан гIирсана тIе а тевжаш. И зорбан гIирс бара, Iедалша тIекхачар халчу даьккхинчу "Хьекъале кхажтасар" (Умное голосование) сайтан аналог.
Бихкинчу зорбан гIирсийн реестрна юкъаяхна Ходорковскийн сайт, Гезгмашин-беттан 10-хь Оьрсийчоьнан Инарлин прокуратуро арахецначу сацаман бух тIехь.
Хьукматана хета оцу сайта тIехь дуккха а адамаш вовшахкхеттачу къепедацаршкахь дакъалаца аьлла а, экстремизман чулацам болу а кхайкхамаш бу аьлла. Хьалхо Роскомнадзора бинчу сацамца дIакъевлира Ходорковскийн кхийолу проекташ, шайна юкъахь масийтта медиа-проект а йолуш.
- ХIара, Гезгмашин-бутт болалуш Роскомнадзор блокаш хIитто йолаелира "Навальный" приложенина а, "Умное голосование" сайтана а, ткъа иштта цо тIетодижийра сайт дIаяккхар шайн интернет-туьканашкара а, лехаман системера Apple, Google, Cloudflare, Cisco компанешна.
- Мангалан-баттахь зил туьйхира Оьрсийчохь лелорна шина VPN-сервисна — Opera VPN -на а, VyprVPN-на.
- Гезгмашин-баттахь блокаш хIиттор хьакхаделира кхин а ялх — NordVPN а, ExpressVPN а, IPVanish а, Hola а, VPN Unlimited а, Speedify а серверах. Иза хуьлуш а долуш, Оьрсийчохь дазлуш ду VPN-сервисех пайдаэцар.
- Марсхьокху-баттахь Оьрсийчоьнан Центробанка хаам бира, Роскомнадзора блок хIотто мегаш ю аьлла, кхин а еъа VPN-сервисна, шайна юкъахь Psiphon а, Tunnelbear а, Thunder а, Redshield а йолуш.
- Оьрсийчоьнан интернетан сегментана изоляци ярца доьзначу низамца а догIуш рунет дIахадо мегаш ю глобалан интернетах, цхьа цIе ца яьккхина кхерамаш гучубовлахь.