Президентан харжамашна кечлуш, халкъана хьалха дуьхь-дуьхьал хΙоьттина, дебаташ дΙаяьхьна Цхьанатоьхначу Штатийн вице-президента Байден Джос а, цунна республикерчу партех дуьхьаллаьттачу Райан Пола а Кентукки-кΙоштахь.
Демократа Байдена дискуссехь хестадора президента Обама Барака экономика чΙагΙъярехь дийриг а, цуьнан кхечу мехкашца йолчу юкъаметтигийн хатΙ а. Цо Обаман амат дика гойтуш гΙулч ю, элира, ОвхΙанистанера тΙедогΙучу шарахь эскарш арадохуш хилар. Ткъа республикахочо Райана Ιоттарйира, Либехь кхо кΙира хьалха Ιаьмеркан векал вер ду Обама шен декхаршца ларалуш вацаран тоьшалла, аьлла.
