ТIекхочийла долу линкаш

Кадыровн гонера стаг эккхийта гIоьртина Соьлж-ГIалахь


Нохчийчоь -- Соьлж-ГIалахь эккхийтина йолу полицин машен, 06Гезг2012

Нохчийчоь -- Соьлж-ГIалахь эккхийтина йолу полицин машен, 06Гезг2012

Нохчийчоьнан куьйгалхочун Кадыров Рамзанан гонерчу стаган тIелатар дан гIоьртина муьлуш бу ца хуу нах. Цара цуьнан машен къел йоьллина бомба крийна, таллам беш. Луларчу ГIалгIайчохь Iедалан белхахочунна тIелатар динарг хилла Нохчийчура вахархо

КъилбаСеда Кавказехь мел йолчу регионна, хьов, ерриге а Оьрсийчоьнна а масалле ялош йолчу Нохчийчохь а, тийналла йохош, хIумш кесст-кесста хуьлу. ХIокху цхьана баттахь, дуьйцуш-олуш у доцуш, Орган чIожерачу лаьмнашкахь чIагIам бинчу ражехь болх дIабаьхьара меттигерачу полицино а, эскарийн ницкъаша а.

Вийна, лаьцна стаг вац, амма, хIаваIехь чекхаболу моз а хезаш, тийналла хIоттинера оцу кIоштехь. И хьелаш, чIагIдар, бахьан хиллера, масех де хьалха, Итум-Кхеларчу Хьачарахь, когасалазийн курортан проект, гIарайоккхуш, дIадаьхьанчу даздаршна йоьххьехь. Цигахь дакъалаьцначара, ма дийцара, лаккхарчу тIегIан тIехь, дIабаьхьара и гайтаме синкъерам.

Цхьанахь, хьал талха мега аьлла хетачохь, нохчийн нцикъаллийн структураша болх бо, дикка хан ю. Цундела, цхьана эшшара, тоьпаш йуьйлина ю, церан, уьш Соьлжа-гIалахь, , ян кхечу кIошташкахь балахь а. ДIаяьллачу оршот суьйрана а, царна болх белира.

Соьлжа-гIала юккъахь, петарийн цIенош долчу цхьана урамехь, КРА лоьмарш йолчу Порш Кайен олучу машена кIелахь карийнера цхьаммо йоьллина оьккхург. Иза, яьлле, аьтто баьллера, сихонца цига кхаьчначу полисхойн, схьа а яьккхина, гена доцучохь иза хIаллак ян. Зе хилла хIума дац, амма, цул тIехь, оцу урамера, бахархой бийшитина а бац сахиллалца.

Полисхой, хIора петар чу а хьовсуш, мила ву, мичара ву, аьлла дIа а яздеш хIума дина. Цхьаберш, шеконехь берш, шай декъе дIа а бигна. Хаамийн гIирсашкахь гIарадоккхуш а дац и хIума, цундела, махкахь даржале, дIадижина иза.

Махкахь тIаьххьарчу хенахь, дукха яьржинчу КРА лоьмарш йолчу машенашна цу тайпа кIело йина яцара, схьахууш. Амма, тергамхой, хаттарехь буьсу, и машен эккхийта гIиртинарг, ян тIемало хилла, ян могIарера зуламан агIо ю иза. Ишшта, къайладаьхьан ду, махкахь уггаре а кура лоруш йолу и лоьмарш йолу машен хьенан долахь ю а.

Оцу юккъолгIа, ГIалгIайн махкахь, дижа а ца дуьтуш, кар-кара а кхийдош, юккъараллехь дуьйцуш ду, республикера Россельхознадзор, олучу федерала урхаллан коьртехь волчу Дахкильгов Русланна, дина тIелатар. Иза чохь волчу джиппан тIе маса тоьпаш а йиттина, жимчу машенца къайлабовла гIоьртинера зуламхой.

Даржхочуьнна машенан урхалла деш хилла волу цуьнан кIанта, ша лазийнашехь, тIехь а хаьхкина, тIелатар динчеран машен хьаьшнера. Ша берш лаза бина дарбан хIусаме кхайчийнера. Цигахь, даржхочуьнна цхьа гIаралхо велла, ткъа, тахана, тIелатар динарг, Нохчийчуьра вахархо Шахтемиров Ислам а велла.

Цхьацца хаамийн гIирсаш дийцарехь, иза а, цуьнца хилла волу Исаев Хьамид а вен гIерташ, уьш болчу чу яха гIоьртина хилла, Шахтемирова Малкан цIе йолу зуда. Иза а цигахь схьалаьцна. Цуьнца хилла волу кхин ши жима стага, карахь герз а долуш, оцу дарбан хIусаман кертахь доьхьало йина, полисхошна.

И кхоий а, дIалаьцна ду бохуш дуьйцу, меттигерачу оппозицийн сайташ, амма, ГIалгIайнчоьнан кхерамазаллийн урхалло, официала дIахьедар дина, оцу зудчух а, цуьнца хиллачу шина стагах а болу хаамаш бакъ дац аьлла.

ХIинца кхетош дац юккъараллехь, хIун бахьанашца, Нохчийчуьра шина вахархочо, тIелатар дина юртбахаман тIехьожучу урхаллийн декъа куьйгалхочуьнна. Иза, гарехь, толлуш полици а ю, амма, хилларг, ма дарра хаийта сихлуш бац цигахь.
XS
SM
MD
LG