ТIекхочийла долу линкаш

ЦIеххьана кхаьчна хаам!

please wait

No media source currently available

0:00 0:01:42 0:00
Линкана тIе

Оьрсийчуьрчу бахархойх ах декъана хета Оьрсийчоь "сийлахь-йоккха пачхьалкх" ю аьлла. Цунах лаьцна хаам бо юкъараллана хетарг толлучу ерриг Оьрсийчоьнан центро (ВЦИОМ). 2017-чу шарца буьстича, и гайтам лахбелла. Цу хенахь Оьрсийчоь "сийлахь-йоккха" "держава" олу пачхьалкх хетачу нехан терахь дара 57 процент.

Оьрсийчуьрчу бахархойх кхоалгIа дакъа тешна ду Оьрсийчоьнан Федераци гергарчу 15-20 шарахь кху дуьнентIехь йолчу коьртачу пачхьалкхех дIакхетар ю бохучух. Иза иштта ца хетачу нехан терахь ду 11 процент.

И нах схьаэцча, 16 процент царах кегийрхой бу, 18-24 шераш долу. Цу тайпачу нехан терахь Москох а, Петарбухехь а ду - 17 процент. Кхин 17 процент нах бу царах дахарехь халонаш хьоьгурш.

Оьрсийчоь дерриге дуьненна ницкъ болуш хетаран коьрта билгало ю, Оьрсийчуьрчу бахархошна хетарехь, уггаре хьалха цуьнан арми (26%), халкъ (22%), мехкан президент (17%).

Оьрсийчоь онда пачхьалкх хуьлуйтучу факторшна юкъахь хьахийна респонденташа цуьнан йозуш йоцу политика а, маьIданаш а, тIех йоккха территори хилар а, кхин дерг а.

Оьрсийчоьнан махкахошна хетарехь, кху тIаьхьарчу 10-15 шарахь хилла коьрта кхиамаш бу Оьрсийчоьнан тIеман ницкъаш чIагIбалар. Иза билгалдаьккхина хIора 5-чо ала мегар долуш (18%).

Кхиам хета оьрсашна ГIирма юхаерзор (12%), Сочехь 2014-чу шарахь Iаьнан Олимпиада дIаяхьар (8%).

Шуна хетарг

Гайта комментареш

Дуьненан футболан чемпионат шайн цIахь дIахьош хиларе терра, Оьрсийчоьнан бахархоша сагатдо мехкан футболна. Шу дуй оцу декъах?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG